Eolie Lipari News NOTIZIARIO delle ISOLE EOLIE ONLINE

di Giovanni Giardina

L’artista eoliano  (detto Johnny Garden), viaggia in prima pagina sul giornale TIME,

presenta:
LIPARI ! ( DI NELLO RAFFAELE )

Girannu cu la varca, io’ ti vardu,
e a tutti l’ura ti viu sempri bedda,
d’ogni latu si degna di nu sguardu,
e di li soru tua si a riginedda.

Attuornu si vasata di lu mari,
di d’intra tu si china di tisori,
Lipari ti vosiru chiamari,
stissu nomi di lu rignaturi.

Vanitusa ti levi la matina,
vasata quasi sempri di lu mari,
ti specchi graziusa n’ta marina,
pusannu pi la tila du pitturi,

Lu furasteru prestu s’accalura,
e “un pinsieru fasci pi ristari,
picchi’ di tanti cuosi s’innammura,
du cielu, du cori, di lu mari,.

Lottasti cu lu fuocu e cu i pirati,
e poi umiliata fusti du governu,
li to visciri furu turmintati,
ma nun t’abbannuno’ lu patri eternu.

Li to figghi scava’ru n’to pilatu,
pi anni travagghiaru la caverna,
di l’alba finu a suli tramuntatu,
ca pala, cu lu picu, e a lanterna.

Pi tanti figghi a terra fu crudeli,
e cu duluri poi t’abbannunaru,
ma chiddi chi ristaru cchiu’ fedeli
cu cori e cu l’amuri……t’arricamaru !

Cu l’anticu arricchieru lu castieddu,
da so luci la ficiru brillari,
e cu lu jancu di lu porticieddu,
animaru li culura di lu mari.

Poi sempri sula, ti facisti strata.
sbocciannu bedda ogni primavera,
t’armasti pi la pisca di lu spata
mittiennu puru festa unn’e’ con c’era.

Na manu ti la desi lu pirciatu,
quattrocchi ca ti fici da curuna,
u vagnu ca u signuri havi’a criatu,
pi biddizza assiemi e faragghiuna.

E’ maggiu cu chiaruri di la luna,
ca inchi di misteru e fantasia,
di cca cumu a ttia nun ci nn’e’ una,
chi dona gioia e mai malincunia !