Chi mi rapprisintati d’avanti a stu paisi,
si siti democratici oppuru comunisti,
a iddi quannu veninu ’un ci nni m’porta nenti,
si vonnu sulu godiri …… a vita!……li mumenta!!;
Inveci d’ammazzarivi , pinsati a stu paisi,
v’arrifadati i manichi e bando a li prumissi;
Di setti perli d’isuli , pi storia e puisia,
li facistivu divintari……….l’ultima purcaria.
Na vota c’era l’amuri, tantu, tantu, interessi
pi cunsirvari st’isuli , sti scuogghi cu so mari;
no cumu oggi: “ nuova generazione”
c’havi sulu nu scopu…….di n’trallazzar dinari.
Unn’e’ cchiu’ dda bedda giuvintu? china d’amuri e china di virtu’?
Unn’e’ cchiu’ d’attaccamientu a terra? ch’ebbi dda genti, quannu i cca partu’?
Sentu un gran duluri n’ta stu cori,
ca pi sta terra n’un c’e’ cchiu’ rispiettu,
Nun vidi puru u suli, u faci apposta!,
nun e’ cumu na vota…..fa dispiettu!
Circamu d’unni perdiri n’te chiacchiri,
circamu di sarva’ri stu paisi,
c’ancora simu n’tiempu v’assicuru,
gudimuni sta terra cu so mari,
e pi l’amuri d’idda ……….damuni da fari.
Cu parla di politica e sempri si curtigghia,
nun po’ pinsari ad autru……trascura la famigghia,
sulu cu ama a terra, trova gran tisoru
e nni po’ fari di st’isuli…………tanti… perli… d’oru….!