di Franco Gitto

U Papa va in pensioni.

U Papa s’arricosi la curuna,
consignau li chiavi e lu so Mantu
rivucannu a stu munnu un gestu siculari.

Cu voli ereditari la furtuna
d’ addivintari Santu;
si poti accummutari…)

A porta è chiusa… e a Sidi e vacanti…
e tra li mura ancora caudi e cummussi
si scatinau la fini di d’u munnu…)
fra , quasi ‘dducentu papaviri russi.

Cazzotti, unghiati, cauci ,spintuna;
Ucciria, a cunfruntu è un tempiu raru…
miraculu voli ca, pi grazia o pi furtuna
non s’hà sintutu ancora nuddu sparu…)

Intantu; li figghi chiù sfurtunati;
esodati, barbuni e cass’intigrati
in attisa di na fumata Janca…
cu li crampi a la panza e l’arma stanca;
vardannu ‘ncelu… cu mossa ridicula,
cu a vucca aperta aspettunu a Paticula.

Da Casteddu Sant’Angiulu, intantu,
l’angusta risidenza d’un disoccupatu
nesci fumu niuru d’ogni cantu…
è, tuttu fumu di grassu bruciatu !!!