di Giovanni Giardina

Matri Immaculata!

Oh! Vergini Maria Immaculata

n’ta tuttu u munnu Tu si venerata,

pi casa ti scigghisti sulu na rutta

e pi cumpagna Tua la Bernadetta.

Quantu malati venunu accumpagnati!

Quantu nn’aggiranu suli e già guariti!

Nun ha vardatu mai si ssu cridenti

pi dari la To grazia a tutta a genti.

Tu chianci e piensi sempri lu To fruttu

ca pi sarvari u munnu ci fu luttu,

si l’uomu lu piccatu ‘un su circava

un postu m’paravisu su sarvava.

Quantu si bedda Vergini Maria !

Tu si la gioia, Tu si l’anima mia

vogghiu priari cca sutta i To piedi

pi dedicari a Tti. tutta a me fedi!

08-12-2011