Lipari in agonia

nat sub.pngdi Giovanni Giardina

Nisci’ti  tutti  quanti,  figghi  e  amici

nisci’ti  ormai  nun  bastanu  li  preci

sona’ti  tutti  i campani,  sonati   forti

ca  stu  paisi   e’ cunnannatu  a  morti.

Curri’ti  puru  i  figghi  di  luntanu

vini’ti  ‘cca’   a   darini  na  manu

e’ a  mamma  vostra  ca  vi  cerca  aiutu

sugnu  sicuru  ca , ‘un  l’hatu’  scurdatu.

I  muorti  puru   i ‘dda  stannu  a  uardari

nun  hannu  vusci  e ‘un  ponnu  parlari

‘un  hannu  cchiu’ ripuosu , ‘un’hannu  paci

vidiennu  stu  paisi  ‘nta  sta  vrasci.

Sta  terra  divinto’  peggiu  du  ‘nfiernu

e’  tutta  curpa, quannu  ‘un  c’e’ guvernu

si  fannu  avanti  in  tanti  pi  canciari

e ‘un  sannu  mancu  d’unni  accuminciari .

‘Nta  st’anni  cummattisti  cu  li  vienti

di  corpa  e  mari , prutiggjsti  a  genti

u  tirrimuotu   ‘un  fisci  mai  disastru

San  Martulu  pi  chistu   e’ veru  mastru.

Gira’ti   figghi  mia  da  chistu   munnu

pi  st’isuli  ca  st’hannu  iennu  o  funnu

Lipari   sta  piniannu !  pi  mala  sorti !

sonati  sti  campani ! sonati   a  morti !

Si  currunu  i  to  figghi  p’aiutari

caminu  a  piedi  nudi ,  tornu  a  priari

pi  ora   ca  ti  viu  in  agoni’a !

ti  sta  purtannu  u  cori , a  vita  mia!

Lipari in agoniaultima modifica: 2011-12-23T09:06:53+01:00da leonedilipari
Reposta per primo quest’articolo