Attaccamientu  a  terra natìa    di Giovanni  Giardina      

clicca sul triangolo bianco per ascoltare

Chi  mi rapprisintati davanti a stu paisi, si siti democratici oppuru comunisti,

a ccu è chi stasci cca, ‘un ci nn’ importa nenti,si voli sulu godiri, a vita, i mumenti

Invesci d’ammazzarivi,pinsàti a stu paisi, v’arrifadati i manichi, e bandu a li prumissi,

Di setti perli d’isuli, pi storia e puisìa,, i fascistivu divintári,…….. l’ultima purcaría.

Na vota c’era amuri,tantu, tantu interessi,pi cunsirvari st’isuli, sti scuogghi cu so mari

no cumu oggi,: “nuova generazione”, c’avi sulu nu scopu,…….. d’intrallazzar dinàri.

Unn’è  cchiù  dda bedda giuvintu’?   China d’amuri e china di virtù ?

Unn’è  cchiù  dd’attaccamientu a terra?  Ch’ebbi dda genti quannu i cca partù ?

Sientu un gran duluri d’intra o piettu, ca pi sta terra  n’un c’è  cchiù rispiettu,

nun vidi puru u suli u fasci apposta…. nun’è  cumu na vota…….fa dispiettu !

Scircàmu d’unni perdiri ‘nte chiacchiri, scircàmu di sarvàri stu paisi

c’ancòra simu ‘n’tiempu v’assicuru,  gudimuni sta terra cu so mari

e pi l’amuri d’idda……, damuni da fari !

Cu parla di politica e sempri si curtigghia, ‘un po pinsari ad autru, trascura la famigghia.

Sulu cu ama a terra trova gran tisoru, e nni po fari  i st’isuli…
TANTI  PERLI  D’ORU !