di Giovanni Giardina
Segnalo poesia di Salvatore Equizzi
Sutta la vampa di lu suli ardenti,
cripìa la terra e tutta la natura
cu l’occhi stralunàti pi l’arsùra
pari ca cchiù nun vidi e cchiù nun senti.
L’aria ‘nfucata trimulìa si senti
‘nsinu ‘nta l’ossa l’afa e a calùra
sulu cacchi cicàla ‘un si nni cura,
e pari ca facissi strudimenti.
Iò unni stu ‘nfernu vivu senza vita
cunu un dannatu tiru cu li denti
lu pisanti carrettu di la vita.
E ‘nmenzu a tantu focu e tanta luci
moru e arrisuscitu tutti li mumenti
cumu lu Nazzarenu misu ‘ncruci
Focu d’estatiultima modifica: 2012-09-29T08:02:43+02:00da
Reposta per primo quest’articolo