Lu saziu nun cunsidira o dijunu ! cantata da Rosario Todaro
clicca sul triangolo bianco per ascoltare
Tutti li cosi vannu a lu pinninu
e da lu peggiu ci si inchina ognunu
a ccu ca l’accudeva lu destinu
e nun ci abbasta mai…lu nostru dunu
Nun curri lisciu lu nostru camìnu,
pocu cridi lu saggiu all’impurtunu
lu riccu nun ci cridi a lu mischinu
lu saziu mancu cridi…. a lu diunu.
A chianciri figghiuzza chi cci cavi
lu sangu t’arribbugghi e pua muriri,
pascienza ci voli a li burraschi,
ca non si mancia meli….senza muschi.
Lu riccu cca nun campa alla ricotta
lu sapi iddu l’amici c’aspetta,
la furca nun è fatta pi lu riccu
ma è fatta pi la testa….di lu puorcu.
Ma…cu havi na bona vigna
havi pani, vinu e ligna,
ca lu triulu e lu beni
cu ci l’havi si lu teni.
Cu ha ‘nvintàtu lu latinu
fu gnurànza di parrinu,
nn c’è versu , ‘un c’è distinu,
si c’è u monacu e parrinu.
Quannu u monacu t’abbannìa
e a Gesù lu patrunìa,
c’è la monica di casa
ca Gesù lu strinci e vasa
‘nta la casa di Gesù…..
zzoccu c’un trasi……’un nesci cchiù !
Signuruzzu, chiuvìti chiuviti
ca l’albireddi su morti di siti
e si acqua nun mannàti
semu persi e cunsùmati,
Nesci nesci, suli, suli
pi lu Santu Salvaturi,
e c’un pugnu di dinàri
arricrìa li cristiani,
e c’un pugnu di nusciddi,
arricrìa li picciriddi,
e c’un pugnu di lumèri
arricrìa li cavaleri.
Nesci nesci, suli, suli,
pi lu Santu Salvaturi,
e c’un pugnu di dinàri,
arricrìa li cristiani
e c’un pugnu di nusciddi,
arricria li picciriddi
e c’un pugnu di lumèri,
arricrìa………li cavaleri !