Lipari – Il Maestro Giovanni Giardina, nel suo home studio recita una poesia; A morti di totani !

A morti di totani !   di G. Giardina  13-08-2013-
http://www.bartolinoleone-eolie.it/A morti di Totani di GGiardina (1).mp3

                               

                            Se i totani sunnu frischi pigghiati i mari

                           ascùta  a mi, a casa, ‘un l’ha lavàri

                           na  schicciuledda d’uogghiu, e na patedda

                           e i fa cu tuttu  u  niuru  e i vudedda.

 

                          Però prima ci ha miettiri un cummuogghiu,

                          sinnò ponnu scattiàri e zumpa l’uogghiu

                          ci duni  du giriàti  e du vutàti,

                          e su pronti,  pi essiri manciàti

 

                          S’invesci  t’impressioni di vudedda,

                          na puliziata e i tagghi a ticchiscedda,

                          na scipudda , du patati e a  pumamura

                          e i fa cosciri  ammenu  na  menz’ura .

 

                          Mentri che  girì  ed  aspietti  ca  su cuotti

                          du sulu sciavuru , fannu  svigghiàri  i muorti.

                          pripàrati  ‘n’tavula   na minzìnedda i pani,

                          e na cannata i vinu  i Quattrupani.

 

                          S’invesci  ti vua  fari  du  spaghetti

                          cumu i fascimu  nuautri, t’allicchi i piatti

                          pripàra cappiri, putrusinu  e agghiu tritàtu

                          e ’mpasta  cu l’uogghiu  e cu  pani  rattàtu.

                       

                          Inchi i cappucci di totani finu a falli scoppiàri

                         poi miettili  ‘nto  sucu , ma ‘un ti scurdàri ,

                         na testa d’agghia sana, na pampinedda addauru,

                         e cadi ‘n’terra  sulu  pi  lu sciavuru.

 

                        Chi t’ha pirdùtu  s’ancòra un  l’ha pruvàtu !

                        Spesci  si ssi di panza e di palàtu .

                        Si nun mi cridi, vienimi a truvàri

                        e dopu che pruovi,  ti tonna  a viu  aggiràri .

Lipari – Il Maestro Giovanni Giardina, nel suo home studio recita una poesia; A morti di totani !ultima modifica: 2013-08-17T12:08:33+02:00da leonedilipari
Reposta per primo quest’articolo