Caro Bartolino,

consentimi di congratularmi con mio cognato Tino Li Donni e con Mandile Bernard,  per la nomina di presidente e di vice presidente dell’associazione “Eoliani di Melbourne”. Complimenti !  A mio cognato che rappresenta gli eoliani gli mando un caro bacio che vale per tutti e all’amico Bernard (du strittu u malu purtusu di Canneto) gli invio una poesia del grande maestro Nello Raffaele e gli chiedo :Quando mi fai cantare un’altra volta nel tuo locale? E ora che siete autorevoli nell’associazione, quando mi invitate a spese dell’associazione? Bellu cugnatu e amicu chi haiu !!! Un abbraccio fortissimo siete dentro il mio cuore.

Giovanni Giardina

 

Cannitaru  luntanu!  di  Nello  Raffaele  

Ogni  vota  chi  lassu  chistu  mari,

sientu  ca  puru  mi  lassa  lu  cori,

n’zunnannu   a  notti  mi  vurrìa  n’gannari

pi  cunsulari  st’anima  chi  mori.

 

Oh  bedda  terra  chi  mi  dasti  o  munnu !

pi  ttia  mi  squagghiu  di  lacrimi  amari,

iò sempri  piensu  a  ttia  ca  cca  “un  ci  sunnu

mai  alligrizzi  e  anía  di  campari!

 

P’un  piezzu  i  pani  finìu  i  ti  lassàri,

ca  sulu  a  luna  mi  visti  partìri,

lassàvu  la  me  terra  e  li  me  cari,

ca  sulu  la  spartenza  u  pó  capiri.

 

“Cca  puortu  la  cravatta  e  lu  vistitu,

ma  sulu  restu,  sulu  e  abbannunatu,

mi  viu  intantu  a  scausa  o  Cannitu,

cuntentu  e  cu  lu  cori  spinsieràtu.

 

Ah!  n’ta  stu  cori  mi  sientu  na  vampa,

cumu  si  fussi  di  frevi  malàtu,

mi  sientu  a  vista  i  l’occhi  chi  s’allampa,

partutu  i  testa  e  sempri  addiittàtu.

 

L’asceddi   cca  “un  si  sentunu  cantàri,

sulu  fracassu  di  machini  e  sirèni,

lu  piettu  mi  lu  sientu  scattiàri

arrispirannu  sempri  sti  vileni.

 

Cala  la  sira  senza  di  na  stidda,

e  senza  u  suli  nasci  na  jurnàta,

nn’è  vita  ca  si  cancia,  è  sempri  chidda,

mai  na  strinciúta  i  mani  o  n’abbrazzàta.

 

Cca  senza  amùri,  mi  sientu  pirdùtu,

senza  n’amùri   iò  nun  trovu  pasci,

iò  isu  a  frunti  e  a  tutti  li  salutu,

 ma  cu  passa …..mi  uarda  e  si  nni  vasci.

 

Si  iò guarisciu  i  sta  malincunía

e  arrunchiu  na  pisudda  di  dinàri

mi  fazzu  a  truscia  e  tornu  a  casa  mia,

e  nu  rialu  portu  supra    l’altari.

 

Cu  chista  fedi  mi  veni  lu  curaggiu,

sulu  na  vota  m’assiettu  pi  manciari,

sparagnannu  puru  u  cumpanaggiu,

pi  veniri  a  gudirimi  ssu  mari!

 

Speru  ca  prestu  ti  viegnu  a  ritruvàri,

giuru  ca  nun  ci  piensu  cchiù  i  partìri

cu  ttia  pritiennu  sempri  di  ristàri,

ca  unni  nascíu iò … vogghiu  murìri!