Simu fatti accussì…. ! di Giovanni Giardina 16-03-2013- 
clicca sul triangolo bianco per ascoltare
L’Italiani , simu tutti brava genti,
c’è chiddu ca travagghia , e cu è c’on fasci nenti !
C’è chiddu c’havi sordi e sempri cunta ,
e c’è chiddu conn’avi e o juornu nun ci spunta.
C’è chiddu ca spera i migliorari u munnu,
e c’è chiddu ca spera, di mannallu o funnu
C’è chiddu ca vasci a scola,p’imparàri
e c’è chiddu ca ci và, p’un travagghiàri.
C’è chiddu ca continua sempri a spiràri
e c’è chiddu ca continua ad emigrari
C’è chiddu ca campa jennu sempri a missa,
e c’è chiddu ca campa sfruttannu sempri e fissa !
C’è chiddu ca vidi buonu e na strata a pigghia,
e c ’è chiddu ca invesci è uorbu e p’unni pigghia pigghia .
C’è chiddu ca nasci e crisci pi fari u sapientùni,
e c’è chiddu ca ti futti ,ca mancu ti nn’addùni.
C’è chiddu ca paga i tassi, pirchì havi giudiziu
e c’è chiddu c’onni paga, pirchì l’havi pi viziu .
C’è chiddu ch’è svinturatu, e campa di sustientu ,
e c’è chiddu ch’è curnutu ,e campa cchiù cuntentu .
C’è chiddu ca fa politica, cu scopu i guvirnàri
e c’è chiddu ca fa politica, cu scopu d’arrubbàri .
L’Italiani simu fatti accussì !!
Avìmu tanti no e tanti si .
Avìmu tanti tiesti, chini i midudda
e tanti tiesti invesci, chini di mmerda!
