Sugnu precariu!
di Giovanni Giardina
clicca sul triangolo bianco per ascoltare
Ammatuli ca t’addanni e ti lamienti,
unni va, va,‘un si capu’ cchiù nenti,
oggi su tutta genti prevenùta,
a vogghia chi jetti u sangu, nuddu t’ascùta.
Finieru i tiempi quannu Betta filàva,
t’annu c’era fami e si travagghiàva,
sulu ca schina,i vrazza e i caddi e mani
purtavi a casa un ticchiscieddu i pani.
Prima di tuttu c’era professioni
e poi tanta tanta educazioni,
bastàva sulu ca rapìvi a vucca
ca subbitu eri sirvutu,‘nta na botta !
Eppuru oggi aviti un saccu di strumenti
o ‘un’i sapìti usàri ,o ‘un capìti nenti,
a matina, ancora prima d’accuminzàri
Botta di sangu! Vi sientu runguliàri !!
Pigghiamu per esempiu l’ impiegàtu,
ca si presenta cumu un vummicàtu,
stasci assitttàtu e ’un si smovi u culu,
ca mi vinissi n’impitu di sbattillu o muru .
Ohhh! Ora basta !….ora mi siddiaiu !
Si ora u na finisci… …mi nni vaiu !
Tu ti lamienti e vua i raggiuni tua,
e invesci, ognunu sapi…i caddi sua .
Oggi ‘un si tratta cchiù di educazioni:
e mancu di strumenti o professioni,
si iò mi truovu cca , sugnu pi sbagghiu,
pirchì ‘nta stu paisi, ‘un c’è travagghiu .
Finù u concorsu, finù u puostu fissu ,
iò appartiegnu a dda categoria di fissa,
ormai ‘un’ ci nn’è cchiù sistemazioni,
e a fini,’un pigghiu cchiù mancu a pinsioni !
Forsi tu, ancòra ‘un l’ha capùtu,
Sugnu precariu e sugnu rassignàtu.
Sicunnu ti…. iò c’avissi a fari ?
A quarant’anni, puozzu cchiù spiràri ?
Fazzu cumu fannu tutti ’nta stu paisi…
aspiettu u stipendiu, quannu arriva u misi !
LA NOTA PRECEDENTE.
Egregio direttore,
in questi giorni, si sta preparando la commemorazione dell’affondamento del S. 
Marina e gli articoli si susseguono. Mi farebbe cosa gradita se, assieme alle foto da voi in possesso, si esporrebbe anche il mio quadro (unico esistente) raffigurante quella tremenda tragedia. Grazie.
Giovanni Giardina