di Ruccio Carbone

RIMPIANTU                 

Nasci’vu  ‘nta  lu  riegnu  di  lu  mari

ca  si  janchi’a  di  pummici  e  lampari

‘nt’a    menza  luna  i  rina  du  Cannitu

unni  lu  suli  e’ forti  e  l’uomu   arditu.

 

Nascivu  ‘nta  lu  riegnu  di  lu  mari

ca  si  janchi’a  di  caudu  e  lampari

crisci’vu  ‘nta  ‘ddu  riegnu  ammaliaturi

ca  cu  ci  nasci  e’  sempri  “un  Re  d’amuri”.

 

Amuri  pi  la  genti  e  pi  la  vita!

amuri  pi  la  terra  sua   avita !

amuri   duci  di  li  piscaturi

puru  pi  pisci, amuri  pi  lu  suli

 

Amuri  pi  l’acedda  e  pi  lu  mari

amuri  pi  li  varchi, e  pi  culuri

amuri  pi lu  vientu  e  pa  fatica

puru  pa  terra  ca  nun  esti  amica.

 

Amuri  pi  li  muorti  e  pi  li  vivi

amuri  pi  li  viecchi  e  pi  l’alivi

amuri  pi  li  vienti  e  puru  sienti,

amuri  pi  ‘ccu  campa  ‘n’cuntinenti.

 

Nasci’vu  ‘nta  lu  riegnu  di  lu  mari

’nta  chidda  casa  janca  a  frajmari

ed  esti  ‘dda  ca  io’  vogghiu  girari

‘mmienzu  a  me  genti, ‘mmienzu e  Cannitari!

 

 

Per l’invio si ringrazia Giovanni Giardina